Ինչպե՞ս վերահսկել սթրեսները

Ինչպե՞ս վերահսկել սթրեսներըԻնչպե՞ս պահպանել հանգստությունը և բարձր աշխատունակությունը: Բոդո Շեֆերի «Հաղթողների օրենքները» հանրահայտ գրքում բերված են սթրեսները վերհսկելու 24 կանոններ:

1. Ամենակարևորը կանոնը կատարածի վրա կենտրոնանալն է: Եթե ուտում եք, ուրեմն կերեք, այլ ոչ թե կարդացեք: Երբեք պետք չէ երկու գործ միանգամից անել: Կյանքից բավականություն ստանալու համար հարկավոր է և մտքով և ֆիզիկապես գտնվել նույն տեղում:
2. Պակասեցրեք արագությունը: Ընտրեք ձեզ համար ամենահարմար աշխատանքային ռիթմը:
3. Ժամանակ գտեք կյանքում ամենակարևորի համար: Պլանավորեք ձեր օրը, շաբաթը:
4. Հարկավոր չէ գերբեռնվել: Աշխատանքով գերբեռնված մարդը արտաքին աշխարհին արձագանքում է ռեֆլեքսորեն:
5. Սովորեք պատսպարվել արտաքին ազդեցությունից: Նույնիսկ ամենահաճելի մարդը կարող է սթրեսի պատճառ դառնալ: «Չխանգարել» ցուցանակը տեղին է ոչ միայն հյուրանոցում:
6. Պլանավորեք օրը այնպես, որ ժամանակին հասցնեք ամեն տեղ: Ավելորդ շտապողականությունը հրահրում է սթրես:
7. Պետք չէ ձգտել ամեն ինչում հասնել կատարելության:
8. Եթե հասել եք հաջողության՝ ուրախացեք: Մի փոքր ընդմիջում արեք և նշեք հաջողությունը: Լիովին տրվեք դրական զգացմունքներին:
9. Մի սպասեք կայուն հաջողության: Միշտ հիշեք. ամառից հետո միշտ ձմեռ է գալիս:
10. Մի ընդունիր չափից լուրջ տեսք: Այս դեպքում դժվար կլինի ձեզ հիասթափեցնել կամ նեղացնել: Եթե ձեզ հավասարակշռությունից չի հանում ոչ հաջողությունը, ոչ գովասանքը, ոչ հաղթանակը, ոչ պարտությունը, ոչ քննադատությունը, նշանակում է դուք ձեռք եք բերել հոգեկան հավասարակշռություն:
11. Ապագայի նկատմամբ անհանգստությունը խանգարում է կենտրոնանալ և դառնում է սթրեսի պատճառ: Ձեր ողջ էներգիան անհրաժեշտ է կենտրոնացնել ներկայի վրա:
12. Ամենուր պահպանեք կարգ ու կանոն: Եթե ձեր աշխատանքային սեղանին դրված է միայն այն, ինչ պետք է տվյալ պահին աշխատելու համար, ապա դուք աշխատանքի վրա կենտրոնանալու ավելի մեծ շանս ունեք:
13. Սովորեք հաճույք ստանալ ձեր կատարածից:
14. Աշխատանքի ընթացքում պլանավորեք ընդմիջումներ և խստորեն հետևեք դրանց:
15. Կառավարեք ձեր արարքները և վերահսկեք այն:
16. Եթե մեծ ծավալի աշխատանք եք կատարելու, ապա գրառեք այն ամենը ինչ պահանջվում է կատարել:
17. Շրջապատի հետ կիսեք ձեր աշխատանքը: Մտածեք ո՞վ կարող է իր վրա վերցնել ձեր աշխատանքի մի մասը:
18. Օրվա որոշակի մասը պետք է նվիրվի սովորական գործերին: Դա զարգացնում ում է սեփական կարգ ու կանոնը և օգնում է պահպանել ներքին հավասարակշռությունը:
19. Ժամանակ առ ժամանակ թույլ տվեք ձեզ խեղկատակել: Սթրեսից ազատվեք սթրեսի միջոցով: Աշխարհը կառավարում է նա, ով կարողանում է ծիծաղել:
20. Եթե դուք «կենտրոնացել» եք հաջողության հասնելու վրա, ապա փորձեք երբեմն բացարձակ անիմաստ արարքներ անել: Պարտադիր չէ, որ բոլոր գործերը իմաստավորված լինեն: Թույլ տվեք ձեզ որոշ թեթևամիտ արարքներ:
21. Մի փորձեք ամեն ինչում և ամենուր շրջապատի համար լինել հասանելի:
22. Սովորեք ինքներդ ձեզ զվարճացնել: Ժամանակ ընտրեք մարդկանց հետ շփվելու և զվարճանալու համար:
23. Ժամանակ առ ժամանակ ձեզ համար կազմակերպեք Ծույլի օր:
24. Մի փորձեք բոլոր կանոնները միանգամից կատարել: Դա ևս լրացուցիչ սթրես կարող է առաջացնել:

Այս կանոնները կօգնեն ձեզ ինքնավերահսկողություն պահպանել:

Հարցեր, պատասխաններ, մեկնաբանություններ